Kaikoura→Greymouth (約331km, 車程4hrs**)
**由兩個地點之間既淨距離及建議時間
23 Nov 2013 Kaikoura→Maruia Springs→Punakaiki Pancake Rock→Breakers Boutique Accommodation, Greymouth
係大自然既環境下早餐係唔錯..可惜呢度大風左同凍左少少囉~
一早出發..............
因為今日要從東岸去到西岸呢.....
由東去到西,路經NZ其中一條最美公路,亦路經Hanmer Springs,係南島出名既溫泉區 (北島既溫泉區係Rotorua)
好開心,我地見到好多牛牛經地下通道走過馬口路(其實心目中最想見既係成班羊仔係馬路上"塞車"..hehe)...
佢地一齊行去工廠"開工"---------係咩? 咪就係"取奶"出黎囉~
大家望唔望到?好長既牛隊..
成條高速比我玩唒!!
中途見到"車手"有d累,又路經日本人開既Maruia Springs,決定係度嘆嘆,比佢鬆鬆骨啦~
Maruia Springs位於深山裡頭,一間充滿住濃厚日式feel既溫泉旅館,連職員大多數都係日本人。Hanmer Spring係南島最出名既溫泉區,大多既人都會去比較旅遊區既Hanmer Spring浸溫泉,反而我覺得離Hanmer Spring唔洗1小時既Maruia Springs,人煙稀少又隱蔽一點,感覺更natural更relaxing!
溫度約38-40c,雖然唔係超熱,但勝在有靚景同埋係天氣溫泉水呀嘛....
男女共浴,請自備泳衣/泳褲啦~
室內既溫泉.....男女分開,所以無帶泳衣既朋友可以係度浸!
除左室內室外溫泉,當然有住宿啦~係度過夜既客人可以免費浸溫泉,而我地路過鬆鬆既人就要收費呀 (NZ$20/p,租用毛巾NZ$6/條,租用泳衣NZ$1/件...)
Maruia Springs : maruiasprings.co.nz
爽唒!!!
下一站,Reefton
今晚我地入住既民宿地點係Greymouth,由東岸既Kaikoura坐車去到西岸既Greymouth都需要take個break食個lunch,而Reefton屬東去西既必經路線,所以民宿女主人事前就推介我地去Reefton既呢間cafe食個lunch...
可能同西方口味唔同,我地兩個都唔中意食>.<
不過到此一遊Reefton,感受此鎮既寧靜美!
今日車程雖然幾個鐘好似好長咁,但沿途有唔同既景色,又有動物睇下,唔算難捱架
到左Greymouth啦~一個面對海既小鎮
到達距離我地民宿半小時車程既景點,亦係Greymouth一個出名既地標 - Punakaiki Pancake Rocks
入口
呢度當然唔係睇年紀3000幾年既石頭咁簡單啦~ 每當遇著潮漲時,海浪會穿過d石而噴出水花,遊客就係睇呢種景色.....可惜我地5點幾先到(預測3點幾係潮漲),所以無緣睇到Pancake Rocks最靚既一面
點解呢度叫Pancake Rocks? 因為當地人覺得呢度d石好似一層一層疊上去既Pancake咁....
呢度有少少水花睇...不過唔震撼...
呢度太大風....唯有用呢個方式自拍!!
用d想像力......對面塊石見到d咩?
幻唔幻想到佢地呢??
親身影唔到Pancake Rocks既賣點,唯有係網上搵少少圖比大家認識一下:
返到民宿啦~休息一陣就出去附近一間餐廳醫肚....今餐要食得豐富d!!!
fish and chips
steak
再係附近既海灘散散步....可惜食飽後太陽伯伯都落左山...
我地住既民宿Breakers Boutique Accommodation (下一篇再作介紹)位於無咩光害既地帶,晚上無雲時係清楚見到超多星星....整個旅程得3晚有靚靚星空,但可惜我唔係一個好既攝影師,雖然影到星星,但絕對唔係最好既一面.......(我影左幾十張,十張係見得人架咋>.<.....因為其他都out 左focus囉....失敗!!!!)
上下圖用左兩款唔同既機影(上圖係Sony既Nex-5R,下圖係Canon S90)
大家又知唔知圖中間既係咩星座?
******************************************
今晚係我人生第一次望到咁多星星既一晚.....光害,原來令我地錯失唔少好野....
4個鐘行3百幾公里! 咁靚既景我可能要揸8個鐘⋯⋯
回覆刪除旅途上我都好鍾意影星星架!
我地早上9點出發,黃昏6點先到民宿呀....我所寫既331km,4hrs→其實係Kaikoura直接去Greymouth既時間同距離,並唔代表我地行既時間距離....唔好意思,誤導左你>.<
刪除作者已經移除這則留言。
回覆刪除d相好靚呀 ^0^
回覆刪除如果我專業d....d相應該會靚靚靚好多........
刪除當年去NZ, 完全無留意咁正既星空, 比著宜家, 晚晚都去睇, 太正!
回覆刪除再去多次^^~將來我都會再去NZ...!!
刪除