原定5月尾計劃去挪威+斯瓦爾巴，過一個寒寒地既summer，但驚喜突然出現，等左一段時間既禮物終於都到^^。好彩所book既酒店可以提前取消，最後毫無損失咁cancel左個trip....
雖然好唔捨得，心癢癢超想出走，但為左保護小生命，我地都捨棄左旅行......停一年，下年繼續吧!.........
曾經以為懷孕好容易，除左攬住個西瓜會辛苦d外，準媽媽可以不用顧忌身形肥胖而勁擦美食.....但---原來想像往往比現實美好得多，頭三個月懷b既我完全進入黑暗期，每日都患左厭食症咁，連曾經喜歡既食物都變得非常討厭；每晚飯前都有唔開心既感覺，過著食完就嘔返哂出黎既日子；加上當時還要輪班，凌晨工作的確令我身心疲累......
辛苦既日子終於都過，今日亦好開心可以宣佈自己過左一關! 今次既假期我可以充分休息，同埋清左d未打既遊記!^^
今年休息一年......下年旅程一定要更豐富!
『離開，是為了要走更遠既路!』