無添加生活 Day 1: 踏足世界最後一片淨土

19 Nov 2013  HK→Auckland (AKL)→Christchurch (CHC)+1

心情未算太緊張，可能因為呢幾個月都不停睇NZ既資料，所以感覺自己一早已經到達左當地。加上今日早上先收工，訓左陣又要起身出發碼頭，所以精神上都幾累…

因為今程坐Air New Zealand，所以直飛去AKL先，再轉機去CHC

晚餐同早餐，都一般，最慘既係，我老公食左之後個肚唔太舒服.......回程時食多次都有咁既反應....佢仲發誓以後唔坐Air New Zealand! (但我澄清我本人無任何反應既!)

先講一下海關:

10個多小時後，首先到達奧克蘭機場(AKL)，將預先係飛機上填好既arrival card(有關你旅程所攜帶既物品)連同passport交到出入境櫃台檢查，出入境人員除左係你passport蓋印，仲會留意你張arrival card,跟住畫上號碼記號。呢個步驟我覺得係比海關一個reference粗略揀選某旅客需嚴格檢查定一般檢查…

過左出入境櫃台，行一段小小既路又到海關櫃台，海關人員仔細咁睇我張arrival card,再問我2條問題 (1.有無帶肉? 2.有無有蜜糖?) 後就放人，完全無特別刁難我，只係問話時特別大聲，可能想嚇嚇我有無”身有屎”掛……過左海關後就行到前面既X光機做安檢，而安檢我都一一通過，整個過關程序都非常順利! 而同行既老公，佢係安檢時被要求拉開背囊作double check。出發前曾經好擔心過海關時會唔會被刁難，因為網上有BLOG友提過有人因為行李檢查過程太長而錯失班內陸機，而我今次又帶左中藥(粉狀)同行，所以怕有唔順利。但其實，只需要誠實申報，填清楚arrival card，帶咩報咩，咁就唔驚過關有障礙啦~ 不過要謹記，NZ對所有攜帶入境同出境既物品都非常嚴格，如果有懷疑自己既物品係咪違禁品，最好先申報，唔係將會罰得好「甘」!

記住啦—NZ對食物特別奶類，肉類，植物類特別敏感，唔好以為普通物品可以攜帶入境!

轉機:

因為今次由奧克蘭(AKL)轉機去基督城(CHC)，所以拿完行李就要從國際機場步行去內陸機場，行程約10min，就當放鬆下隻腳，吸吸NZ既新鮮空氣!

關於購買SIM card:

係內陸機場見到I-site，就問下有關購買電話卡事宜，櫃台職員送左一張空白SIM card比我，等我係自己部電話開通左後，再係佢櫃台付錢增值。我增值左NZ$20，當中$6係50mb既網上服務。

其實好多NZ商戶都有freephone提供(即豁免收費既電話no.，號碼由"0800"開始)，只要你有電話在手，就可以免費致電佢地。因為咁，所以我地增值最便宜既plan ($20)，作不時之需! 有個電話旁身，當搵唔到路都可以問問民宿主人嘛；有個電話旁身，可以隨時make booking嘛!!

黎到CHC，但拿左李後發現唔見左條angry bird既行李帶>.<

到達入境大堂，見到有幾間租車公司(Thrity、Hertz等)，當然係呢度租車，正常會貴少少。而我地所選擇既租車公司係Apex Car Rentals，因為機場無分店，所以一到步就致電Apex接我地

Apex Car Rentals: http://www.apexrentals.co.nz/

致電左Apex後，尋找I-site (即遊客information centre) 或上圖左邊既Vodafone(電話公司)，直出既門口就係.......

行前少少既City Bus/Coaches等Apex職員接我地

由機場到Apex分公司只需3-4min，非常方便呢..

都幾多人租車，順便係度拿d有用地圖

 租車時要出示國際車牌同自己本身既車牌。政府規定，只要係紐西蘭自駕唔超過一年，攜帶國際車牌就ok，即係話就算你黎旅行但自駕超過一年，都要係當地考牌架~

出發前係網上已經揀好車款型號同年份

因為怕有山路，所以揀大點cc既車

型號:Ford  (自選)

年份:2010 (自選)

顏色: 自動編排

Automatic, 1800cc

15日: NZ$844 (全險,未計油費)

經過一輪既網上格價，Apex係我地搵到既最平一間
(租車小tips:唔同日期、唔同拿車&還車地點都可能有唔同價錢。而大部份既租車公司都有Relocation Sale，即係指定日子到指定地點拿車/交車，就有極平優惠。我見過NZ$1既租金都有，但當然未計保險、GPS等費用啦)

Christchurch → Rangiora (約33km, 車程30min)

第一晚既農場民宿 (下一篇再作介紹)

因為第一日到步，我地唔想舟車勞動，所以決定留係農場食晚餐，預先訂既晚餐(BBQ Dinner)，NZ$40/人

預訂前，唸住BBQ dinner一定好豐富，好多燒肉，點知原來款式唔多，仲一碟紅肉/白肉都無....雖然有少少失望，但dinner既每一款食物都好好味! 而三文魚又整左成條比我地(原來今日得我地兩個order左dinner，所以唔豐富係正常既)，算係咁啦! 再配其他好味既salad，今餐可以接受啦!

今晚除左我地，農場主人Peter & Gaye，仲有pair來自新加坡既母女同澳洲夫婦入住。食完飯係大廳一齊傾計，交流唔同文化，真係好外國人生活呀~

晚上九點幾先天黑，十一點望出去，好多星星，但因為累累地，沒有觀星...