1 Dec 2013 Baldwin Street→Dunedin city centre
紐西蘭地多人超少，走過幾個城市小鎮，只有Queenstown同Dunedin兩地方見到唔少紅綠燈~
跟住GPS，從民宿到Blaldwin Street，自駕約半小時就到達!
以下是U Travel對它既介紹:
健力士世界最斜街道
Baldwin Street 於 1988 年被健力士世界大全選為全球最斜的街道，成為世界各地遊客到紐西蘭南島旅遊必到的地方景點。Baldwin Street 全長約 350 米，斜道大約為 1:2.86 （香港最斜的道路是港島西營盤的正街，斜道約為 1:4；九龍天文台道斜道約為 1:5），最令人驚訝的是 Baldwin Street 居然有不少住宅，遊客最喜歡以奇特的角度在這裏拍照。這裏的行人路也不盡是斜路，有不少樓梯方便當地居民出入。Baldwin Street 於每年 2 月都會舉行 The Gut Buster 比賽，參賽者需於 2 分鐘內來回走完整條 Baldwin Street。
請自行想像有幾斜吧!!
扮MJ..無難度....
做20幾下掌上壓都易如反掌....
跑上黎，大家又要幾多分鐘呢?
出發前所搜尋既資料，可買張『曾到達最斜街道證書』。相信呢度就係可購買證書既地方，但可惜今日係Sunday，例牌休息>.<!
下一站，黎到Dunedin Railway Station，融合文藝復興風格的建築物，好似薑餅屋呀~~
再到市區周圍hea hea，路經吉伯利朱古力工廠
非常勤力，星期日都唔休息架wo!!
十五十六參唔參觀好，但其實自己又唔係佢地Fans，或者將來同小朋友去先到參觀吧!
店內有限定既朱古力，相信有d產品只要NZ先買到!
繼續行......點解前面有消防車?唔逍有事發生?!!
無錯!係有事...但絕對係喜慶事呢!!!原來每年12月既第1個星期日，Dunedin市區內都舉辦一個大型嘉年華，預祝Christmas既來臨!好多商店或公司都參與，各員工同小朋友都會穿著住唔同服飾同道具，作跳舞或者花車巡遊形式咁去慶祝呢個一年一度既嘉年華(係一位當地打工生同我地講架)!
長長既街道，被數以千計既人群圍觀，表演者應該好自豪吧!
Dunedin出名既信天翁都出場呀~
企鵝係Dunedin都出名，可惜我地無join tour觀賞....而家唸返起都有d可惜!
M記既代表
睇左超過半小時嘉年華，回程拿車時，見到有表演者駕駛返架"騷車"回去.....so funny!!
再周圍影下相，今日既節目就係遊遊市區，非常relaxing!!
hea左半日，決定返民宿，路經見到有跑步.....究竟佢跑左幾遠幾耐?!
離開市區，回到大自然既路上
岩岩係超市shopping....即買即煮!
平時係屋企都好少下廚，去旅行先露返幾手...haha
Dinner Time---而家已經差唔多晚上8點，唔講大家會唔會以為係中午呢?
出面食都係太曬....入返黎dinner始終舒服d!日日都有湯飲，我算係賢淑良妻掛!
想唔想知係NZ買間house需要幾多$$?睇睇上面既報紙廣告--------around NZ$49萬一間靚house!當然唔係位於大城市位置啦~但呢個價錢的確好吸引!如果我係有錢人，一定要買返間house，每年返黎渡假都好!!!
沒有留言:
張貼留言