無添加生活 Day 7: 【飛上】法蘭茲約瑟夫┌冰河┐

今日坐直升機上冰川，發覺自己對直升機、小型飛機感覺都麻麻地，一來怕個種離心力，二來怕遇上風時飛機唔穩定個種情況，總而言之，越大越怕....

今日參觀既係法蘭茲約瑟夫(Franz Josef Glacier)，屬南島兩大冰川之一(另一則為Fox Glacier)。福克斯冰川同法蘭茲約瑟夫都從南阿爾卑斯山脈開始，直到海拔240米高的地方融化，潤澤當地的溫帶雨林。

講返我地既tour，先坐5 min直升機到冰川中段，再停留冰川約3 hrs，領隊先生不斷為我地找合適既路，又為我地掘路，以防d冰太滑令我地滑倒。行冰川需要一小點力氣，好彩前日上Top of the World就熱左身，所以今次冰川行對我地黎講都無咩難度! 呢度d冰好藍，而溫度亦唔算低，領隊先生話氣溫約8。c，所以步行住既我地唔覺凍，影下相聽下講解好快就過左3 hrs。

今日早上天氣非常好~昨日既雨天----不見了^^連雪山都清楚可見!

Franz Josef Glacier Guides Office

我地join左08H45既團，08H15就到reception check-in

check in後再到附近既電腦，填一填問卷，想確定下大家身體狀況是否ok?

之後就等領隊叫名去換裝備

09H00開始換裝備，領隊為我地講解安全指引

跟住黎到停機坪...等飛

一到步，第一時間著上冰爪鞋

Here we go!!

比我無意中發現......點解會有ge?!?!

進入冰洞.....

都要用繩輔助一下先落到去..

洞底望上去

tour提供既斜袋，比我地存放少少乾糧同飲品。有機會黎呢度玩既朋友，唔好唔記得帶飲料呀~

一位領隊帶住一小team唔同國籍既團友，有英國、德國、中國(我地)等...

直升機到啦~係時候返去.....

返到小鎮，試左Landing Restaurant

我地既tour包埋一次浸溫泉，食飽就去relax一下 (我估係冰川水^^)

Glacier Hot Pool入口，離Franz Josef Glacier Guides office約3 min車程

Franz Josef小鎮只係一條小街，一眼望唒!

是日晚餐

好好味呀~

*********************************************

如果你問我冰川團如何?我會答大家我無後悔到此一遊。未黎NZ前，我從未參觀過世界任何一個冰川，所以對『它』我特別有興趣!當然去過冰島、格凌蘭甚至阿根廷既朋友，可能覺得NZ既冰川未夠震撼，但第一次踏足咁大塊冰既地方，我係滿足既! 世界擁有冰川既地方唔多，你地又去左幾多個呢?

http://www.franzjosefglacier.com/

冰川都有好多玩法，以Franz Josef Glacier Guides所提供為例，參加者可選Ice Explorer(直升機上到冰川中段再步行, NZ$325/p)、Glacier Heli Hike(直升機飛行欣賞冰川，再到冰川上段停留拍照, NZ$429/p)、Glacier Heli Walk(全程步行上冰川，但到達既冰川範圍屬下遊部分, NZ$75/p)、Heli Ice Climb(直升機上冰川，係合適既冰塊位置攀爬，需有一定體力, NZ$399/p)。今次我地參加既係Ice Explorer，除左係冰川既第一次，亦係直升機既第一次，價錢比澳門坐直升機飛香港仲平(根據空中快線官網資料，平日收費為一程HKD$4,100---------洗唔洗咁貴呀!)!!