無添加生活 Day 13: 探訪被遺留下來既恐龍蛋 - Moeraki Boulders

2 Dec 2013  Moeraki Boulders (Hampden)→Lockies Fish n Chips→Tekapo

離開Dunedin出發Tekapo，沿途經過Koekohe Beach@Hampden，就係睇恐龍蛋(Moeraki  Boulders)既位置

沙灘出名恐龍蛋(大圓石)，當然隔離既餐廳都以大圓頂天花作設計藍本啦~

雖然我地係遊客，但必未必想接受景點區既"遊客餐"!

陽光同黃昏下既恐龍蛋!

入海灘需自覺付費(NZ$2)，不過如果想慳返，有3個方法提供比大家: 一係厚面皮直入唔比錢；一係到餐廳消費；一係由另一入口去沙灘，當然要走更多既路，因為餐廳既位置正正係大圓石們身處既位置!

我地當然選擇明正言順咁入黎....當係比呢度既修路費啦!

大家認為似唔似恐龍蛋呢?

恐龍蛋既配合，的確為拍攝製造好多驚喜! 只要擁有鬼馬既 idea，你可以影出好多得意既相!

等我都示範少少高難度動作先^^

至於問我點形成呢d巨石，sorry，請自行google一下

好貼心既wash station，行完沙灘可刷刷鞋

Jucy既露營車係我曾經想租既交通工具.....大家有興趣不妨考慮Jucy，價錢合理，同埋車齡幾新架~

Jucy Rentals:  www.jucy.co.nz

曾經有人形容呢度(Lockies)係全世界最好味既Fish n Chips專門店!!好------等我地試下!!!

Lockies Fish n Chips 位於Hampden小小鎮，離Moeraki Boulders不遠!

Fish中有3種款式選擇，Blue  Cod即藍鱈魚，當中最貴既.......我估應該最好味(NZ$6.9)

連招牌都介紹Blue Cod，真係唔試唔得啦!!

講開Lockies係咪全世界最好味既Fish n Chips店?我訪問左一位婆婆顧客，原來佢來自英國，佢都大讚Lockies係佢試過最好味既，另外佢仲介紹另一間食Fish n Chips，店舖位於英國 ，婆婆只簡單比左電話no.02072518253我，叫Fish Central，大家有機會都可以試試!

好貼心既設備，食完隻手必然"油"唒~但可自行清潔返對手....so good!

啖啖肉既魚，熱氣都要食呀!

一盒咁大份量，非常超值! 但薯條最後都要食剩>.<實在太飽了!

Lockies Fish & Chips : 30 London St. Hampden (route 1)

係NZ唯一一次見到警車

好~我地出發最尾一站...亦係我最期待既----------Tekapo! 雪山....我非常like!!!

又有人踩單車?唔係咁堅呀~唔知佢踩左幾多公里呢??

民宿check-in後，到Tekapo鎮hea下.....非常靚既地方!

配合埋罐地道啤酒，入生就係咁享受!

Tekapo屬小鎮，無大型超市，所以獨市既佢價值比大城市高，大家入鎮前記得入定d乾糧先!

又黎到手信區~

好靚既UGG......可惜當時自己未懷孕，唔係一定瘋狂購物大量bb野!!

呢度有free wifi，絕對適合男士陪女士shopping-----唔怕悶嘛.......哈哈~

比較多元化既手信店，有多種蜜糖/蜜糖類產品、健康食品、服飾類、羊毛製品、玉石等等..

Tekapo既消防局.....小小既規模!

嘩.....消防局晚上光害好重wo....成個Tekapo唯一晚上有燈既地方

北極光就聽得多，大家有無聽過或者見過南極光?Tekapo係NZ一個超出名睇星既地方，亦因為佢地處較南部，南極光都有機會係呢度出現~不過聽講好似冬天機會高D.....

下就呢度check-in先，今晚我地就出發上山睇星!!

Earth & Sky office: Highway 8, Tekapo

Tel: +64 (0)3 6806960

Tour Name: Mt John Twilight Tour

website : http://www.newzealandsky.com/earthandsky/

Earth & Sky就係我地join tour既公司，呢度有幾種tour，大家可因應自己既喜好報唔同既tour

晚上8點集合，每人派左一個睇星既紅外線燈，等齊人就出發lu!

黎NZ既目的，就係觀看銀河...夢想成真，仲學到唔少天文知識!

可惜自己攝影技巧"流流"地，但感動既時刻我永遠會記住! Milky way(銀河)真係網上睇多，當你再親身欣賞時，別有一番風味!

好難得既合照! 如果我塊面再清d就perfect啦>.<

真係滿天星星架~流星仲簡唔中出現...咁大個女真係第1次見到流星，仲要幾次咁多....流星，一秒就閃過，可遇不可求，真係要把握好機會!相信對於女仔黎講係件好浪漫既事^^今晚我可以許到好多願望呀~好興奮!!!!!!!!!

可能係最清既一張.....

*****觀星團感受*****

今晚天氣非常好，無雲，少風，一般凍，令今次tour更完美!

可能大家會覺得既然Tekapo屬觀星靚地，周圍都睇到滿天星，點解仲需要join tour上山? 參加觀星團，除左可以更近距離欣賞銀河外，當然要了解下宇宙既奧秘啦!我地用專業既望遠鏡睇到木星、星雲、星團、孤獨星(好似又叫杜鵑47)等等....

原來，我地肉眼係可以見到金星架，佢就好似天上一粒星咁，只不過比其他星星大d同光d，不過到左12點，佢就唔見左lu.......領導姐姐仲教我地睇南十字星同獵戶座.....我地仲問呢度幾時可以睇到南極光?佢竟然話琴晚南極光有出現過，不過睇唔到唔出奇因為一般要用相機曝光先發覺，佢叫我地留意南方方向，極光會係南面出現!

如果將來再來Tekapo，我一定會再join觀星團! 每次join團睇既野其實都有機會唔同架，因應當日天文狀況而定! Sky & Earth既團，有"中" "英" "日"文團，我建議一般join中文團就算，除非你英文非常好，識唒天文學既專有英文名詞啦!今晚我地都好好彩，本身領隊係講普通話(中文團)，但遇岩其他團友係來自HK既旅行團，所以我地要求聽廣東話!yeah!!