Glenfern Villas
SH 6 Franz Josef Glacier, New Zealand
Tel: +64 3 752 0054
freephone: 0800 453 633
來Franz Josef既目的係冰川行,為左唔會趕頭趕命,我地選擇一連兩晚住係Franz Josef。又因為呢度小鎮太細、唔多餐廳、除左計劃行冰川又無咩行程,所以我既目標住宿除左要有廚房外,仲要有少少渡假feel,咁唔出街都唔怕浪費時間啦~
今次選擇左Villa形式既住宿,自由度大,絕對係渡假既好選擇!
好天的話,係Franz Josef範圍可以清晰望到冰川,上圖係離開Franz Josef前係Villa附近影既...
Villa都養左3隻Alpaca...未黎NZ前,都驚自己遇唔到呢種可愛動物,所以呢度有Alpaca,亦係我考慮呢間住宿因素之一!
首先到Reception check in....呢度可以代book Franz Josef Glacier或者Fox Glacier既tour
Glenfern Villas提供免費wifi,但需要用Reception派發既password紙登入,而每次時限兩小時。對於我地習慣依賴wifi既人當然唔夠,所以一早向Reception拿定幾張wifi紙慢慢用.....
Our Villa No.10
一房一廳既Villa
係Villa外享用膳食,都幾有feel架~
開放式廚房,設備齊全! 需要食油的話,可向Reception借用!
兩晚訓攪都無關房門,所以朝早都比自然光"曬"醒...
浴室都好乾淨架~
****************************
由Glenfern Villas駕車出Franz Josef小鎮約3 min車程。而一房Villa每晚價錢為NZ$220,我經Rates-to-Go酒店網訂,咁岩個期8折優惠,住宿每晚約HKD$ 11xx,我覺得物超所值!
草泥馬cute爆呀
回覆刪除係呀~~草泥馬好傻仔得意.......但羊仔其實都好CUTE架~第一日我地參觀左剃羊毛...過程仲得意.....
刪除唔使驚睇唔到,去南美草泥馬多到你唔睇呀!
回覆刪除唔知將來有無吉士去南美自由行......(怕治安問題)
刪除可唔可以掂同餵啲草泥馬架?~~
回覆刪除記得好似酒店有D食物賣比客人餵D草泥馬......如果佢地行近你,我唸都可以掂......
刪除