無添加生活 Day 11: 尋找一夫一妻制的幸福烏

Queenstown→Dunedin (約299km, 車程3hrs46**)

**由兩個地點之間既淨距離及建議時間

30 Nov 2013  Queenstown→Royal Albatross Centre→Dunedin (Otago)

琴日落完場雨，今日變返超好天!

Queenstown既Sunday市集...感受一下氣氛先^^

好浪漫既一張相......好中意^^

最後衝刺想買多少少野...可惜成10:30先開.....拿拿淋去醫肚先

Fergburger....可以話係Queenstown既"MUST" item! 我地都要黎試試!

長期都咁多人光顧，並唔係浪得虛明架~

超大既burger....同我個頭有得揮!!

好味到暈，我叫左羊.....配料同汁都非常好味!!!食完一個都回味!

老公就叫左牛....兩個我都覺得讚! 埋單都係NZ$23.5，絕-對-值!

呢個叫Big Al，應該類似M記既巨無霸，特別多料，岩唒D勁大胃人士!

可惜今日就離開Queenstown，唔係明天一定再黎!!>.<

琴日因為落雨欣賞唔到Queenstown既景色...唯有離開前係Queenstown Hill兜返轉!!

藍天白雲配藍湖靚花..

令人心情大好!

離開Queenstown到Dunedin會途經Kawarau Bridge，呢度係NZ第一個bungy Jump既地點

停一停車，睇完"勇士"跳完先走~

我地再經過Jones Fruit Stall....一間大型既生果店，我見有團都黎入貨

除左生果，仲好多生果干......

我最鐘意食既係奇異果干(金同綠色都good)! 新鮮生果干曬，我估佢地無添加ge.....金奇異果都幾貴....一包細細都起碼HK$100架....

我自己都買左好多當手信...其中最愛係奇異果干....蘋果干都好味!!

店主好慷慨.....生果同其他產品任試任食.....

呢個係蕃茄干...買左先知後悔...我覺得勁難食..仲有種臭味><

岩岩經過既就係Cromwell......NZ既生果鎮

呢度仲有酒莊...影下相先..

自駕遊最【嘆】就莫過於此

Park n Save@Dunedin入貨.....因為一連兩晚我都下廚

鬼佬係高.....但d架都唔洗set得咁高...(渣機個位應該影埋隻腳....咁先知我係爬上去拿貨架嘛!)

我無選擇住係Dunedin，反而揀左佢旁邊既Otago...貪佢靜d同近信天翁中心多d......佢地既關係就好似澳門半島同氹仔路環既關係咁....

放低好行李就即出發Royal Albatross Centre......今日遇正大風....岩哂!因為風越強就比較容易見到佢地飛!!!

Royal Albatross Centre- 呢個館主要介紹NZ既皇家信天翁、同簡單介紹世界各地既其他信天翁。如果想見信天翁既真身，館內有Albatross tour，即有專人帶參觀者到信天翁棲息地參觀(但需預先上網預訂)。如果唔想join tour，都有機會可以免費見到信天翁，遊客可以係館外停車場、或者館內cafe捕捉信天翁飛翔，但需要運氣! 

http://www.albatross.org.nz/

全世界最大既海洋鳥類........雙翼展開可以最長有3-4米...你話係咪勁呢...

 不過我最中意佢既原因唔係因為最大既鳥....而係佢地對婚姻既忠誠! 因為-----信天翁係一夫一妻制既鳥類!

信天翁既習性 (維基百科提供):

信天翁科的鳥可以在海上長時間飛行，它們可以非常有效地利用空氣動力的原理在海面上滑翔，有時數小時不必扇一下翅膀。當信天翁能夠掌握海面的氣流，便可以隨便在空中高速翻飛達2000—3000米，在1小時內可以橫越113公里的海面。據記載，一隻信天翁可以在12天內飛行達5000公里的旅程。信天翁科的鳥一般只在育幼時上岸，它們甚至可以在海面上睡覺。

在南極洲附近，它們最主要的食物是那裡的魚、墨魚和蝦。它們也以船丟棄的廢物為食，因此它們有時跟船飛行。

信天翁科的鳥在繁殖期會上岸登島，築巢產卵，這時碰到人牠們也不逃避。信天翁性成熟較晚，到5—8歲時才開始繁殖。雌鳥產一到兩顆蛋。信天翁是一夫一妻制，並輪流負責將蛋孵化，孵化期可達60天之久。初期幼鳥從父母口中得到已消化了的脂肪及半消化了的食物。這時，父母需要反芻體內食物。

信天翁科的鳥可以活40—60年。

館內有信天翁團參加.....但好可惜我地無參加到...有後悔呀!

信天翁既棲身地一般係沿海帶，而NZ既呢個Centre就係唯一既陸地棲身地!

信天翁既週期表.....十一月係孵蛋期，所以Centre會有一段時間唔開放tour參觀信天翁真身..

世界各地既信天翁....

我地係館內cafe已經見到信天翁飛....為左有更多空間捕捉佢....我決定到館外影相

出到黎館外既停車場......用遠鏡zoom近去捕捉高空上既"佢地"

我捕捉得最好既一張^^自己非常滿意.....天翁哥~你好型呀!!!!!!!!!!!!!

紀念品唔算太多，但我地都買到心頭好..

大家有無留意到....天空既雲屠都好似信天翁係度飛翔咁

周圍咁多雀仔....雀屎滿佈是常識吧!

彩虹有見過，但一條超完整既彩虹真係第一次見!!!我地身處既位置仲係超近，感覺就好似抬頭就係彩虹!

係Centre買既紀念品......(順帶一提，Royal Albatross Centre入場費為NZ$5，如果你係館內消費，咁就可以扣除返入場費)

返到民宿先發現原來我地買既postcard作品，畫巧係出自我地既民宿主人--Cathy!! 

Cathy好中意畫，民宿周圍都係佢ge真跡作品...但估唔到既係.....佢既作品竟然會比我地係另一個地方買返....哈哈，真巧!

日記心情:

近期身體狀況麻麻，無咩心機update遊記.......真係對唔住自己&有心睇我遊記既朋友>.< 遲d放大假我會加把勁，連同上年既family trip一一完成>.<