無添加生活 Day 6: 下雨天既路上遇到牛仔過馬路

25 Nov 2013  Greymouth→Hokitika→Franz Josef

今日要離開Greymouth向冰川區出發啦~首先經過Hokitika，NZ既玉器小鎮。

今次黎Hokitika既目的主要有3個: 到超市購買係Franz Josef既食用材料、欣賞或購買NZ既玉器、用樹枝砌成「HOKITIKA」字樣既沙灘影相

亮點請看用石頭砌成既地毯，係Hokitika I-SITE門口發現，超精美既藝術品! 

突然我有個想法，係NZ沙灘收集石頭自己DIY一張地毯都唔錯wo!!!!點解當時唸唔到架?? 不過運返D石頭回來，應該要加件行李錢比航空公司!

一見到佢，代表到左Hokitika啦~

今日開始落雨，嗚嗚>.<! 對於NZ旅行既人黎講，落雨絕對破壞唒行程同心情，因為係NZ既大部份活動要好天先有(如Skydive, Whale-watching, Star-gazing等)，大部份既景點要好天先靚! 不過南島既西岸係比較多雨水(如冰川區Franz Josef & 無去既Milford Sound等)

Jade Factory，大型D既玉器店，入面仲有工作室比客人對玉器作任何加工!

本身想介紹下有關NZ玉同我地平時見到個D既分別....可惜唔見左張說明書(係Jade Factory買玉時贈送既玉器介紹書)，我只記得以下既分別:

玉器廣泛分為硬玉(翡翠)同軟玉，入面物質各不同。係NZ買到比較平既屬軟玉，而中國/緬甸比較貴既玉屬硬玉.......(大概記得咁多......如有補充，歡迎留言)

我都買左隻小海龜玉器電話繩比"姐姐"做手信!

見識太少，平時見過三色椒，原來係有四色架~

見識太少，原來係有紫色椰菜!

NZ版既mark six....又係發夢既時候....

係超市買既熱辣辣雞脾，真係回味無窮!!

原定想去用樹枝砌成「HOKITIKA」字樣既沙灘，點知I-SITE職員話「HOKITIKA」係沙灘上已經無左......唯有上網搵張相分享比大家睇啦:

有d情景真係可遇不可求，好似今日向Franz Josef進發時，老公突然望到右邊有一班"牛"們係公路旁等待，似乎想行過馬路咁既樣....為左唔放過見動物過馬路「場景」既我，要求旁邊既"車神" U-turn，原本賺煩既"車神" 唔多願意，但最後都係個安全位置U-turn比我!

果然不出我地所料，有位年輕既牧羊人拉繩封路，成班牛就慢慢咁過馬路! 過程大約5分鐘，不過沿路除左我地，都係得一架車經過! 雖然對駕駛者有少少影響，但我相信普遍NZ人，同埋我地都好樂意讓路!!

睇圖唔多清楚，其實都幾大雨架!

為左相片效果更好....我決定唔擔遮! 藍色個件係雨褸，我覺得黎NZ旅行都需要一件! 有雨檔雨，有風檔風，咩都無咪當外套著囉~

好滿足既感覺呀!!Yeah!!

NZ好多單向車道，自駕遊既朋友記得睇清楚交通標誌係讓先定行先啦 (*有關自駕遊既注意事項，請睇上一篇文章)

一到步就即刻去左Franz Josef Glacier Guides查詢明日既天氣...因為我地報左朝早參觀冰川團呀~佢地就答明天應該ok.........但今日都幾大雨wo!.....

買左好多材料，最緊要有營養!

返villa煮飯仔，落雨真係凍好多呀...

超豐富既波菜豬骨湯+羊排波菜三椒飯

*********

下一篇: Glenfern Villa @ Franz Josef