無添加生活 Day 5: 絕不hea爆既遠足步行

24 Nov 2013  Mount George→Greymouth town

Greymouth唔係我原定計劃留宿既目標，但因為一個挑戰，決定左我停留係呢地方......

一早約定8點食早餐，餐後就hea住等Jan佢地整理好其他客房，一齊出發

上次提過Jan應承帶我地去玩一個由佢blog介紹過既活動.......10點準時出發!

離民宿不遠既一條路上

路上一旁幾隱蔽既入口

黎到NZ當然唔少得遠足行山啦~我就係好想試下真正行『山』既滋味，而咁岩撞正今日既生日，令今日既行程更有意思!!

從Breakers既blog 得知Mt George呢個山，Jan形容為「Top of the World」! 

民宿blog: coastingnz.wordpress.com/

一步一步咁向"top of the world"進發.....

一早設好既繩比我地爬上去....隻手滑d既女士都未必岩玩...

Jan會因應我地身體狀況而決定繼唔繼續上山，如果唔可以再上，呢度既view都唔錯

好彩我地夠大膽+平時訓練有數，可以更上一層樓體驗更高既景色!

Stephen為我地影相，佢行左去更好既位置搵更好既角度

行得越高，越有大地在我腳下既感覺! 不過畏高既朋友，應該唔敢嘗試.....特別係佢既山路，唔係用雙腳行下咁簡單，而絕對需要用雙手輔助去"爬"上去既...

其實事前我都會擔心唔知自己應唔應付得到，但Jan話只要跟住佢地指引同小心咁行，登山唔會太難.........

如果你地問我感受: 我覺得真係驚險既，因為叉錯腳真係會碌落山架! 後來問返Jan，原來Mt. George唔係official既登山步行徑，所以山路無完整咁鋪好! 只有當地居民先識黎呢度行山，所以無咩遊客會黎，亦唔多人會黎! 雖然今次既活動並唔容易，但當你真係爬到上目標既高處，滿足感係好大架! 

人生都係一樣，達到目標固然開心，不過世事未必能盡人意.......如果每件事都可以用"努力"就可以達到，你話幾好呢?>.<

問過呢個係咩黎.....但好似失憶咁唔太記得.......好似話係以前d人用黎量度個山有幾高既一個量度器.............不過唔sure

Jan為我地添加力量，仲為我地準備三文治....多謝唒!!!

上山落山用左2.5鐘，Jan話我地算快!^^

今日一"曬"，已經多過我過去一年既總份量!

返黎仲有Jan一早為我預備既小小蛋糕....

訓個下午攪，6點出Greymouth鎮搵野食

oh...成條街都無咩人，餐廳只得一兩間有開，其他shop基本上全部都無開! 之後唸唸下，先醒起今日星期日，唔怪之得成個死城啦!

好彩超市有開，最後有"朗拿度"親自為我下廚^^

返到黎先知Jan既私人廚房唔係借比客人用架，但因為我地真係無其他選擇，Jan唯有借比我地啦^^

*****************************************

上篇我提過Stephen係個好鐘意影相既人，以下呢輯相係佢為我地影架~ 雖然大家都影差唔多既野，但我覺得佢比我影得出成個story多d囉~ 從佢既相，大家就知我地今次旅程幾驚險架啦!

每個人都有自己旅行既風格同選擇......而我除左喜歡優閒同hea d咁玩之外，簡唔中要刺激一下，為旅途加點烙印....