無添加生活 Day 2: 一睹抹香鯨的風采

21 Nov 2013  Pete's Farm→Wings Over Whales

NZ有唔少農場，有D純粹觀光無住宿供應，有D就有提供食宿同參觀活動，今次初體驗農場，剃毛show係必須既! 今日一早起身，食個豐富早餐後，約埋新加坡母女同澳洲男1名，一齊睇Shearing show。

 晨早八點，食份簡單既早餐! 今餐又無肉(老公開始嬲....)，但有好好味既"綠色金色" kiwi同muffin^^

唔知Peter係咪成日餓佢地呢，一見到奶就搶住飲!

佢地既毛好濕潤，同我想像中唔一樣

成班羊好似傻仔咁，黑狗吠到邊佢地就乖乖咁跟到去邊.....

黑狗帶到羊仔黎到『刑場』......

 係時候.................揀出今日幸運兒.....

我知跟團都有安排其他農場既剃羊show比客人睇，似乎呢個節目係NZ既熱門之選

成個New Zealand有既羊仔品種...今日被剃毛既品種係Corriedale(左下角)

羊脂好保濕,令隻手當堂滑唒^^

你地緊張定期待呀?

我地會好溫柔架啦

首先，拖「你」出黎先 --- 大刑伺候! 

少D力氣都唔得...... 

農場主人Peter教導剃羊秘訣

好可愛既羊仔,佢根本無反擊能力....唔怪之得人類通常用「純」黎形容羊啦

Peter始終係熟手技工!

都係等返Peter操刀,我地都係唔忍心落手剃成佢><

一兩下手勢就起左D毛..

無左件衫>.<「你」有無唔開心呀?

好乖既羊仔....睇下你個梳乎樣....

幾分鐘時間,Peter就KO一隻羊既毛! 

即刻躲避返d朋友度.....今日辛苦你啦~ Good job!!

羊毛係出自羊身上架!

好得意既體驗,老少咸宜都岩! 小朋友一定大愛! 

其實係欣賞"剃羊毛"過程中，感覺雖然係幾得意，但心底入面又為羊仔感覺可憐><........好似佢被拉出黎個一刻係度掙扎，我有感覺到佢幾唔願意，儘管佢地幾驚都好，都要受人擺佈，非常可憐!前排有一單新聞，揭露有D不法羊毛商利用基因改造，令羊的皮膚像沙皮狗咁「打摺」，以長得更多羊毛黎製造商品，但過程令尿液積聚哂係臀部皮膚，引來蛆蟲。最憤怒既係，羊毛商為保羊毛，會係無麻醉既情況下割唒pat pat d爛肉(稱為mulesing酷刑)........................

(詳細可睇: http://green.appledaily.com/latest/news/art/20131216/18553175)

雖然我唔知道有幾多不法商家會一樣咁做，但作為愛惜羊仔既我，會減少甚至唔再買羊毛製品! 雖然我既力量實在太少，但最起碼我有努力過，係咪?

仲有羊駝毛，可惜無機會欣賞到製作過程..

下一round - 參觀Alpaca羊駝

最佳髮型，必屬你地!

**********************************

 Rangiora→Kaikoura (約160km, 車程2 hrs**)
**由兩個地點之間既淨距離及建議時間

關於GPS:

GPS真係一大發明，本身習慣駕右汰既我地，黎到NZ當然無難度啦!只要輸入目標地址: "城市名稱"，"道路名稱"同"街號"，GPS就自動顯示你知而家距離幾多km、路程所需時間。假如不幸地無地址係身都唔緊要，可以嘗試搜查關鍵字，唔偏門既地方， GPS都應該search得到既!
(下圖GPS: 右上角為全程總公里(km)，左上角為方向(left)及行駛中道路既所需公里(km))

NZ有不少大型既超市，包括New World, Parkn'save, Countdown, Fresh Choice. 

(上圖為出發Kaikoura前，我地到New World購買定一連兩日既食材)

(下圖為Parkn'save，物價比較平d既超市)

Kaikoura係一個沿海城鎮，以海上活動觀光為名，其中出海睇鯨魚、同海豚遊水係我呢度想玩既活動!

(題外話: 搵資料時，發現NZ北島既Bay of Plenty，有同鯊魚遊水既tour，可惜今次無玩北島，如果有機會我都想玩下/睇下^^)

原定約左明天飛上天尋找鯨魚，但因剛剛打電話到Wings Over Whales問下天氣同活動情況時，職員叫我地最好今日黎...

Wings Over Whales : http://whales.co.nz/ 

9秒9趕到Whales over Wing office,因為下午開始超大風,同埋鯨魚剛出現過,所以我地要把握黃金xx分鐘(好似45min係海面後就會潛返落去...)

興奮中....出海睇鯨魚

睇我幾精神,但好快就謝唒啦>.<

第一次坐小型飛機..我地一齊追蹤鯨魚

高處望Kaikoura小鎮

飛左5-10min,目標終於出現...

一共見到2隻sperm whale(抹香鯨)...其實我地好好彩,因為開始大風,遲多少少就唔可以出飛機

影影下相我開始暈...除左我本身易勁暈浪外,主要原因係架飛機不斷打轉,務求你影完靚相為止!

機師叫Captain Cool..點解我咁叫佢,因為佢每一句都有一個"cool"字!

同機師留念..望真D，我個樣係「青」唒架!

鯨魚好多種,我地見到既係屬於Sperm Whale (右下那條)

打敗仗，真係敵不過"機浪"! 休息返十分鐘先...